نورِ جمال

نورِ جمال

جہانِ  کفر کی تاریکیوں سے تھا معمور

محال چشم خیال کو تھا تصور نور

نہیں  کہ شام و سحر دہر میں نہ تھے قائم

نہیں  کہ شمس و قمر کا نہ تھا طلوع و ظہور

نہیں کہ چرخ پہ انجم نظر نہ آتے تھے

نہیں  کہ نور کی طالب نہ تھی شبِ دیجور

ہو جو صبح کو مشرق سے آفتاب طلوع

ہوا ہو گوشہء مغرب میں شام کو مستور

یونہی  تھا دست و گریباں سحر سے ماہ بھی پھر

ہوائے جہل سے گل ہوچکی تھی شمع شعور

اسیطرح سے ستارے بھی کچھ نظر آئے

مگر خدا نے عطا کی تھی انکو طبع غیور

نگاہِ  یاس سے تکتے تھے وہ زمیں کیطرف

یہ  جانتے تھے کہ ہے روشنی سے یہ معذور

ردائے  صبح میں وہ بھی ہوئے نہاں آخر

مگر  یہ کفر کی ظلمت نکرسکے کافور

وہ  سرزمین عرب جسپہ جہل چھایا تھا

ہر  ایک ذرّہ پہ جسکے جمی تھی گرد فتور

۔۔۔۔۔۔۔۔۔۔